انا متزوجه من شهر و نص مشكلتي هي اثناء اتفاق كتابه القايمه بين اهلي و اهل جوزي و جوزي حصل اختلاف بين والد جوزي و والدي ان عندهم مش بيكتبو الشبكه ف القايمه و مكتبش لبناته الشبكه و ف عيلتنا الشبكه بتتكتب ف القايمه و وصلو لاتفاق ان الشبكه مش هتتكتب فالقايمه و هتفضل ف بيت بابا مش هاخدها معايا و الاتفاق مكنش حد معترض عليه و بناء على كده القايمه اتكتب و كتبنا الكتاب .. جوزي جيه بعد الفرح باسبوع طلب من بابا الشبكه بابا موافقش يدهاله الا لما يكتبها فالقايمه حسب الاتفاق و جوزي مش راضي تتكتب فالقايمه و بيقول يوم الاتفاق معترضتش عشان مكنتش عايز الدنيا تبوظ عشان والده و والدي كانو شادين مع بعض و فاكر ان اهلي مخونينه و كده و اهلي كل تفكرهم حفاظا لحقي مش اكتر و بسبب المشكله دي اهلي و جوزي مقاطعين بعض و محدش فيهم بيكلم التاني و انا فالنص مش عارفه ممكن اعمل ايه و مين فيهم الغلطان و مين معاه الحق .. مع العلم جوزي كويس معايا جدا و عايز الشبكه عشان انا البسها بس و تبقى ف بيته و مش ف نيته انه يبعها او حاجه و اهلي ناس طيبين جدا بس خايفين عليا عشان انا بنتهم الوحيده.
تعليقات
إرسال تعليق